पिंपरी, (प्रतिनिधी): पिंपरी चिंचवड महानगरपालिकेची सार्वत्रिक निवडणूक २०२५-२६ नुकतीच पार पडली असून, यावेळी महापौर पदासाठी सर्वसाधारण आरक्षण पडल्याने शहरातील अनेक इच्छुकांनी महापौरपदासाठी तयारी सुरू केली आहे. मात्र, राजकीय वर्तुळात महापौरपदासाठी श्री राहुल कलाटे तसेच पिंपरी चिंचवड भाजपाचे अध्यक्ष श्री शत्रुघ्न काटे यांच्या नावावर अंतिम शिक्कामोर्तब झाल्याची जोरदार चर्चा सुरू आहे.
शहराच्या राजकारणात प्रभावी नेतृत्व म्हणून ओळख असलेल्या या दोन्ही नेत्यांची नावे पुढे येत असल्याने कार्यकर्त्यांमध्येही उत्साहाचे वातावरण निर्माण झाले आहे. विशेष म्हणजे चिंचवड विधानसभेचे आमदार श्री शंकरभाऊ जगताप यांनी देखील या नावाला पसंती दर्शविल्याची चर्चा असून त्यामुळे या घडामोडींना अधिकच महत्त्व प्राप्त झाले आहे.द
रम्यान, महापौर पदासाठी सर्वसाधारण आरक्षण पडल्याने यंदाची निवड प्रक्रिया अधिक चुरशीची होण्याची शक्यता आहे. आगामी काळात पक्षांतर्गत चर्चा, वरिष्ठ पातळीवरील निर्णय आणि संख्याबळाच्या गणितानुसार महापौरपदाचा निर्णय अंतिम होणार असल्याचे संकेतही राजकीय निरीक्षकांकडून व्यक्त केले जात आहेत.
