खाजगी क्लासेसची सक्ती, MoU आणि अवैध फी वसुलीचे ४ गंभीर आरोप; संत तुकाराम नगर पोलिसांच्या पत्रानंतर शिक्षण विभागाची मोठी कारवाई
पिंपरी-चिंचवड, दि. ९ ऑक्टोबर – पिंपरी चिंचवडमधील मोरवाडी येथील नामांकित एस.एन.बी.पी. (SNBP) शैक्षणिक संस्थेचा कथित काळा कारभार अखेर चव्हाट्यावर आला आहे. राष्ट्रवादी काँग्रेस पार्टीचे महाराष्ट्र प्रदेश उपाध्यक्ष (सामाजिक न्याय विभाग) मा. श्री. चंद्रकांतदादा लोंढे यांनी केलेल्या तक्रारीला अखेर यश आले असून, पिंपरी चिंचवड महानगरपालिकेच्या प्राथमिक शिक्षण विभागाने शाळेला ७ दिवसांची अंतिम नोटीस बजावली आहे.
शिक्षण विभागाने काढलेले पत्रा मध्ये थेट श्री. लोंढे यांच्या दि. ०७/०८/२०२६ च्या तक्रारीचा आणि संत तुकाराम नगर पोलीस ठाण्याच्या दि. ०८/०८/२०२६ च्या पत्राचा संदर्भ देण्यात आला आहे.
४ गंभीर आरोपांवर होणार चौकशीशिक्षण विभागाने SNBP संस्थेला खालील ४ मुद्द्यांवर खुलासा करण्याचे आदेश दिले आहेत:
१. शाळेची प्रवेश प्रक्रिया शासनाच्या नियमानुसार पारदर्शक पद्धतीने राबवली जाते का?
२. शाळेतील विद्यार्थ्यांना विशिष्ट खाजगी क्लासेस / कोचिंगमध्ये जाण्यास सक्ती केली जाते का?
३. शाळा व्यवस्थापन आणि खाजगी क्लासेस चालकांमध्ये कोणताही आर्थिक करार, MoU किंवा कमिशनचा व्यवहार आहे का?
४. शासनाने मंजूर केलेल्या फी-स्ट्रक्चर व्यतिरिक्त पालकांकडून अवैध अतिरिक्त फी वसूल केली जाते का?
७ दिवसात कागदपत्रे सादर करण्याचे आदेश
या सर्व आरोपांच्या अनुषंगाने शाळेला ७ दिवसांच्या आत खालील कागदपत्रे शिक्षण विभागात सादर करण्यास सांगितले आहे:
– विद्यार्थ्यांचे प्रवेश रजिस्टर
– फी पावत्यांचा तपशील
– बँक व्यवहार आणि ऑडिट रिपोर्ट–
खाजगी क्लासेससोबत केलेले सर्व करार / MoU
जर शाळेने मुदतीत खुलासा सादर केला नाही किंवा खुलासा समाधानकारक नसेल, तर शाळेवर प्रशासकीय आणि कायदेशीर कारवाई करण्यात येईल. तसेच चौकशीत गैरप्रकार आढळल्यास संबंधित पोलीस ठाण्यात थेट FIR दाखल करण्यात येईल, असा कडक इशारा प्रशासन अधिकारी, शिक्षण विभाग यांनी दिला आहे.
या कारवाईमुळे पिंपरी-चिंचवडमधील शाळा आणि खाजगी कोचिंग क्लासेस यांच्यातील कथित संगनमताचे धागेदोरे उघड होण्याची शक्यता असून, शिक्षण क्षेत्रात खळबळ उडाली आहे.
CITY PLUS मराठी
जनसामान्यांसाठी
