खराबवाडी चाकण | दि.17 सप्टें. 2026 सेंट अँस स्नेह भवन संस्था.. आणि नव महाराष्ट्र विद्यालय खराबवाडी यांच्या संयुक्त विद्यमाने विद्यार्थ्यांसमोर सायबर फसवणूक व सायबर सुरक्षा बाबत जनजागृती निर्माण करण्यासाठी विशेष व्याख्यानाचे आयोजन करण्यात आले.
या कार्यक्रमात माळुंगे पोलीस स्टेशनचे अधिकारी पोलीस उपनिरीक्षक सायबर तज्ञ म्हणून तुषार .. खेतमाळीस यांनी सायबर गुन्ह्याचे विविध प्रकार,त्यापासून बचाव करण्याच्या उपाययोजना तसेच सायबर फसवणूक झाल्यास तातडीने 1930 हेल्पलाइन नंबर संपर्क साधावा असे आवाहन विद्यार्थ्यांना करण्यात आले.
यावेळी फेक कॉल, के वाय सी अपडेट च्या नावाने फसवणूक, एस एम एस ओटीपी फसवणूक, ऑनलाइन खरेदीतील फसवणूक, नेट बँकिंग फसवणूक, लॉटरी व बक्षिसाचे आमिष माहिती देण्यात आली. विद्यार्थ्यांनी ओटीपी पिन पासवर्ड किंवा बँकेची संबंधित गोपनीय माहिती कोणाला देऊ नये .सोशल मीडियावर वैयक्तिक माहिती शेअर करू नये.
तसेच संशयास्पद व्यवहार आढळल्यास तात्काळ संबंधित बँकेची संपर्क साधावा .असे आवाहन करण्यात आले .कार्यक्रमाच्या माध्यमातून विद्यार्थ्यांमध्ये ‘जागरूक रहा’ ‘सुरक्षित रहा’ ‘फसवणुकीला बळी पडू नका .असा संदेश देण्यात आला. सायबर सुरक्षा बाबत विद्यार्थ्यांनी आपल्या कुटुंबियांमध्ये आणि समाजातही जनजागृती करावी ,असे आव्हान करण्यात आले . सदरील कार्यक्रमाचे प्रस्ताविक संस्थेच्या संचालिका जॉनसी अंथोनी सिस्टर यांनी केले, कार्यक्रम यशस्वी करण्यासाठी नव महाराष्ट्र शाळेचे प्राचार्य अविनाश कडसर, उपप्राचार्य राजेश बोराटे, अडवोकेट ज्ञानेश्वर शेळके, अडवोकेट प्रशांत मोरे ,सोशल वर्कर पूनम वाघमारे ,व शर्मिला भालेराव यांनी सहकार्य केले…
