पुणे प्रतिनिधी | एस.एन. नांदेडकर
‘आम्ही भारताचे लोक – आंबेडकरी सांस्कृतिक चळवळ’ (महाराष्ट्र राज्य)च्या राज्यस्तरीय नव्या जबाबदाऱ्यांची घोषणा मुख्य समन्वयक संदेश शालिनी संभाजी कर्डक यांनी केली.
यामध्ये डॉ. अविनाश मनवर यांची राज्य सांस्कृतिक विभाग प्रमुख, सुनंदा साबळे यांची राज्यस्तरीय स्पर्धा व उपक्रम नियोजन प्रमुख, वैशाली देठे यांची राज्य साहित्यिक व कलावंत समन्वयक प्रमुख, तर संघशिल भद्रे यांची राज्य प्रसिद्धी व जनसंपर्क प्रमुख म्हणून नियुक्ती करण्यात आली.
या नव्या नियुक्त्यांमुळे चळवळीच्या राज्यस्तरीय कार्याला अधिक व्यापकता व गती मिळणार असून, सांस्कृतिक, साहित्यिक, कलावंत, प्रसिद्धी आणि विविध सामाजिक उपक्रमांना प्रभावी स्वरूप देण्यास मदत होणार आहे. नवनियुक्त पदाधिकाऱ्यांचे विविध स्तरांतून अभिनंदन होत असून, त्यांच्या पुढील कार्यासाठी शुभेच्छांचा वर्षाव होत आहे.
